Strengja lagið inniheldur línulag sem sýnir staðsetningu jarðstrengja og sæstrengja sem hafa rekstrarspennu hærri en 33 kV. Allir strengirnir eru GPS hnitaðir.

OR_fraveita er byggt upp af línum (lögnum), punktum (búnaði) og flákum (settjörnum).

Um er að ræða punktalag sem sýnir flest háspennumöstur sem eru í flutningskerfi Landsnets. Stærsti hluti punktalagsins er GPS hnitaður en annars er hnitað eftir loftmyndum þar sem upplausn loftmyndanna er nægileg.

Háspennulínulagið er línulag sem sýnir legu helstu háspennulína landsins. Gögnin innihalda m.a. upplýsingar um flokkun háspennulína.

[IS] Í Rammasjá er hægt að skoða gögn sem tengjast áætlun um vernd og orkunýtingu landsvæða, þ.e.a.s. Rammaáætlun. [EN] The Master Plan for Nature Protection and Energy Utilization Map

Þekjan sýnir raforkudreifisvæði fyrir dreififyrirtæki landsins: Veitur, Orkubú Vestfjarða, HS Veitur, Norðurorka og RARIK. Hjá Orkubú Vestfjarða og RARIK er svæðunum einnig skipt upp í dreifbýli, þéttbýli og byggðarkjarna sem endurspeglar skiptingu í gjaldskrá hjá þessum fyrirtækjum.

Árið 2013 lá hjá Mannviti listi yfir helstu ferðamannastaði í hverjum landshluta frá Ferðamálastofu sem var yfirfarinn af ferðamálafulltrúum á hverju svæði. Að auki var notast við kannanir Ferðamálastofu meðal erlendra og íslenskra ferðamanna þar sem spurt var hvaða svæði/staði þeir heimsóttu á ferðalagi sínu um landið.

Tölur varðandi fastanettengingar fasteigna á öllu landinu innan 100 x 100 metra reita. Gögnin sýna ekki hvaða tengingu fasteignir eru að nýta heldur hverjar þeirra tengst í gegnum ADSL, VDSL og ljósleiðara. Gögnin sýna einnig hver á þá strengi sem hægt er að tengjast í gegn um. Mögulegur hámarkshraði tenginga er áætlaður fyrir fasteignir.

Gögnin innihalda hnitsett útbreiðslusvæði talþjónustu eða GSM og 3G á vegum Símans, Nova og Vodafone sem og 4G á vegum Nova. Sýnd eru þau svæði þar sem líklegast er að ná nýtanlegu merki. Gera þarf ráð fyrir að t.d. veður, landslag og aðrir hugsanlegir utanaðkomandi þættir geti haft áhrif á dreifingu fjarskiptamerkja til eða frá. Merki dofnar þegar símtæki er inni í bíl eða inni í húsi, því fjær veggjum eða þaki sem tækið er, því lakara merki næst. Þannig næst merki yfirleitt síst inni í miðju húsi og niðri í kjallara. Móttaka getur verið mismunandi milli símtækja, þ.e. loftnet símtækja og staðsetning þeirra í tækinu getur verið mjög mismunandi. Spáin er styrkleikaskipt: - Styrkur 1: Sterkt merki, jafnan hægt að njóta viðkomandi tækni ofanjarðar innanhúss með góðu móti. - Styrkur 2: Miðlungs sterkt merki, í einhverjum tilfellum má búast við döpru sambandi innanhúss, hins vegar ætti samband að vera nægilega gott utanhúss. - Styrkur 3: Veikt merki, búast má við slitróttu sambandi utanhúss og mjög döpru eða engu sambandi innanhúss.

Fjarskiptastofa hefur upplýsingar um farnetsenda, GSM senda, TETRA senda, DVB-T senda, FM senda, örbylgjusenda og ýmis önnur fjarskiptamannvirki. Upplýsingar innihalda a.m.k staðsetningu fjarskiptamannvirkja. Flestar upplýsingar eru til um farnet- og GSM senda.