Kortlagning beitarlanda sauðfjár á Íslandi. Landupplýsingaþekjan fyrir beitarlönd sauðfjár er á vektorformi. Nákvæmni gagna miðast við mælikvarða 1:100.000. Frekari upplýsingar um aðferðafræðina á bak við kortlagningu beitarlanda sauðfjár má sjá í ritinu: : Jóhann Helgi Stefánsson, Sigríður Þorvaldsdóttir, Iðunn Hauksdóttir, Elín Fjóla Þórarinsdóttir, Bryndís Marteinsdóttir og Sigmundur Helgi Brink, 2020. Kortlagning beitarlanda sauðfjár á Íslandi. Rit Landgræðslunnar nr. 4. Gunnarsholt, Ísland. https://grolind.is/wp-content/uploads/2020/06/Kortlagning-beitilanda-2020.pdf Landgræðslan og Skógræktin voru sameinaðar 1. janúar 2024 og ber stofnunin heitið Land og skógur.

Land og skógur, niðurhalsþjónustur (áður Skógræktin).

Land og skógur, skoðunarþjónustur (áður Skógræktin).

Gagnagrunnur sem inniheldur upplýsingar um jarðvegsrof á Íslandi. Heildarúttekt á jarðvegsrofi á öllu Íslandi, unnin á árunum 1992-1997. Unnið með vettvangsúttekt þar sem LANDSAT gervitunglamyndir í mælikvarða 1:100.000 voru notaðar sem grunnur við kortlagninguna.

Náttúrulegt birkilendi á Íslandi er kortlagning yfir alla náttúrulega birkiskóga og birkikjarr á Íslandi. Helstu upplýsingar eru hæð, þekja og aldur. Skilið er á milli núverandi hæðar og aldur fullvaxta birkis. Það er gert samkvæmt alþjóðlegum skilgreiningum um hæð trjágróðurs þar sem miðað er við hæð fullvaxta skógar. Birki var fyrst kortlagt á árunum 1972-1975 og var unnin leiðrétting á gögnunum og gerðar frekari greiningar á árunum 1987-1991. Gögnin voru því komin nokkuð til ára sinna þegar ákveðið var að hefja endurkortlagningu á öllu náttúrulegu birki á Íslandi. Fór sú vinna fram á árunum 2010-2014 og er núverandi þekja því afrakstur þeirrar vinnu. Flatarmál náttúrulegs birkis á Íslandi er 150.600 ha. Frá árinu 1987 hefur flatarmál birkis með sjálfsáningu aukist um 9% og nemur 13.000 ha. Gögnin voru upphaflega hugsuð fyrir mælikvarða 1:15.000, hins vegar var talsvert stór hluti landsins kortlagður í mælikvarða 1:5000 – 1:10.000.

Gagnasett sem sýnir yfirlitsupplýsingar um helstu svæði þar sem landgræðsla er stunduð og Land og skógur kemur að á einn eða annan hátt. Undanskilin eru þó svæði í verkefninu Bændur græða landið.

Ræktað skóglendi á Íslandi er þekja yfir öll kortlögð skógræktarsvæði á Íslandi. Upplýsingar eru skráðar um aldur skógarins, hæð, CORINE flokk og tegundir í reit svo eitthvað sé nefnt. Skráðar eru upplýsingar um hvaðan gögnin koma, stærstur hluti gagnanna kemur frá Skógræktinni, síðan 1. janúar 2024 Land og skógur, en einnig mikið frá skógræktarfélögum. Þá er talsvert um einkaskóga, t.d. í sumarbústaðalöndum sem þarf að kortleggja sérstaklega. Árlega berast upplýsingar um nýjar gróðursetningar trjáplantna og er gagnagrunnurinn því uppfærður á hverju ári. Nota má stærstan hluta gagnanna í 1:2.000.

Stöðumat á ástandi gróður- og jarðvegsauðlinda Íslands. Landupplýsingaþekjan fyrir stöðumat Grólindar er á rastaformi. Nákvæmni gagna miðast við mælikvarða 1:100.000. Stöðumat GróLindar sýnir, á grófum kvarða, stöðu gróður- og jarðvegsauðlinda Íslands eins og hún er í dag. Stöðumatið er unnið upp úr kortlagningu vistgerðaflokka Náttúrufræðistofnunar Íslands frá 2016 og kortlagningu á jarðvegsrofi á vegum Rannsóknastofnunar landbúnaðarins og Landgræðslunni frá 1997. Landgræðslan og Skógræktin voru sameinaðar 1. janúar 2024 og ber stofnunin heitið Land og skógur. Frekari upplýsingar um aðferðafræðina á bak við stöðumatið má sjá í ritinu: Bryndís Marteinsdóttir, Elín Fjóla Þórarinsdóttir, Guðmundur Halldórsson, Jóhann Helgi Stefánsson, Jóhann Þórsson, Kristín Svavarsdóttir, Magnús Þór Einarsson, Sigþrúður Jónsdóttir og Sigmundur Helgi Brink, 2020. Stöðumat á ástandi gróður- og jarðvegsauðlinda Íslands. Aðferðafræði og faglegur bakgrunnur. Rit Landgræðslunnar nr. 3. Gunnarsholt, Ísland. https://grolind.is/wp-content/uploads/2020/06/GroLind_stodumat_18_06_2020.pdf Hér er slóð á vefsja þar sem eru upplýsingar um gróður- og jarðveggsauðlindir landsins: https://portal.land.is/portal/apps/dashboards/da2d198a1e3b472da664f100fb4ea7bb Vöktun GróLindar á þessum auðlindum hófst árið 2019. Markmiðið er að með samþættingu á fyrirliggjandi gögnum, nýjum fjarkönnunargögnum, upplýsingaöflun á vettvangi í samstarfi við almenning og neti af mælireitum fáist heildaryfirlit um stöðu þessara mála.

Gerðar voru landfræðilegar greiningar á hitafarsskilyrðum til vaxtar valdra trjátegunda á Íslandi. Annars vegar var Þetta gert fyrir birki sem er eina náttúrulega trjátegundin á Íslandi sem vex sem skógur og hins vegar fyrir rauðgreni sem er góður samnefnari fyrir vöxt ýmissa annarra trjátegunda þar sem það þarf nokkuð góð skilyrði til vaxtar. Hitafarslíkan frá Veðurstofu Íslands var notað við greiningarnar fyrir árin 1961-2006. Reiknuð voru vikmörk meðalhita sumars (júní, júlí og ágúst) fyrir báðar tegundir. Þröskuldsgildi fyrir birki var 7,6°C og rauðgreni 9,7°C. Vikmörkin gáfu til kynna stöðugleika í hitastigi fyrir hverja myndeiningu og því var hægt að segja fyrir um bestu skilyrði til trjávaxtar fyrir hvora tegund. Einungis var miðað við hitastig í birkigreiningunni, en fyrir rauðgrenið var einnig tekið mið af seltu og vindálagi. Rastalíkanið er í 900x900 m myndeiningum og hentar í mælikvarða 1:500.000 – 1:1.000.000

Vorið 2024 samþykkti Alþingi Landsskipulagsstefnu 2024-2038 ásamt fimm ára aðgerðaáætlun fyrir árin 2024-2028. Meðal aðgerða er kortlagning á ræktunarlandi sem hentar til matvælaframleiðslu. Í tengslum við það hefur nú verið unnin grunnflokkun landbúnaðarlands af Eflu verkfræðistofu en verkefnisstjórn var í umsjón Lands og skógar. Kortlagningin nær til alls Íslands. Áhersla er lögð á að flokka land sem nýtist til ræktunar á matvælum og fóðri, í samræmi við markmið jarðalaga nr. 81/2004 og sjónarmið um fæðuöryggi. Flokkuninni er ætlað að nýtast sveitarfélögum sem forsendur við skipulagsákvarðanir um landnotkun við gerð aðalskipulags. Markmið flokkunar landbúnaðarlands eru: • að tryggja vernd góðs ræktunarland sem auðlindar þjóðarinnar • stuðla að því að slíku landi sé ekki spillt með því að ráðstafa því í annað. • stuðla að hnökralausri sambúð landbúnaðar, þéttbýlis og annarrar landnotkunar. Aðalskipulög sveitarfélaga skulu, eftir því sem hægt er, nýtt sem tæki til að tryggja þessi atriði. Flokkunin er byggð á leiðbeiningum atvinnuvega- og nýsköpunarráðneytisins frá 2021 og á aðferðum sem Guðrún Lára Sveinsdóttir þróaði fyrir flokkun landbúnaðarlands við Landbúnaðarháskóla Íslands, sem hefur síðan verið þróuð og aðlöguð áfram og byggir á fjölþátta ákvarðanagreiningu (GIS-based Multi-Criteria Decision Analysis) þar sem tekið er mið af landhalla, hæð yfir sjávarmáli, hitafari og vistgerðum til að meta hentugleika lands til ræktunar. Gögnin eru gefin út í 3ha upplausn meið viðmunarmælikvarðanum 1:50.000 og sýna fjóra flokka ræktunarlands: mjög gott, gott, sæmilegt og lélegt ræktunarland. Sveitarfélög bera ábyrgð á að vinna gögnin áfram sem forsendugagn fyrir stefnumótun um landbúnaðarland í aðalskipulagi. Hér er hægt að nálgast gögnin og upplýsingar um þau, þ.á.m. skýrslu um verkefnið og fleira : https://storymaps.arcgis.com/stories/bbfaf9c0af07469c851606b34e31689e