Ræktað skóglendi á Íslandi er þekja yfir öll kortlögð skógræktarsvæði á Íslandi. Upplýsingar eru skráðar um aldur skógarins, hæð, CORINE flokk og tegundir í reit svo eitthvað sé nefnt. Skráðar eru upplýsingar um hvaðan gögnin koma, stærstur hluti gagnanna kemur frá Skógræktinni, síðan 1. janúar 2024 Land og skógur, en einnig mikið frá skógræktarfélögum. Þá er talsvert um einkaskóga, t.d. í sumarbústaðalöndum sem þarf að kortleggja sérstaklega. Árlega berast upplýsingar um nýjar gróðursetningar trjáplantna og er gagnagrunnurinn því uppfærður á hverju ári. Nota má stærstan hluta gagnanna í 1:2.000.

Land og skógur, skoðunarþjónustur (áður Skógræktin).

Gagnasett sem sýnir yfirlitsupplýsingar um helstu svæði þar sem landgræðsla er stunduð og Land og skógur kemur að á einn eða annan hátt. Undanskilin eru þó svæði í verkefninu Bændur græða landið.

Kortlagning beitarlanda sauðfjár á Íslandi. Landupplýsingaþekjan fyrir beitarlönd sauðfjár er á vektorformi. Nákvæmni gagna miðast við mælikvarða 1:100.000. Frekari upplýsingar um aðferðafræðina á bak við kortlagningu beitarlanda sauðfjár má sjá í ritinu: : Jóhann Helgi Stefánsson, Sigríður Þorvaldsdóttir, Iðunn Hauksdóttir, Elín Fjóla Þórarinsdóttir, Bryndís Marteinsdóttir og Sigmundur Helgi Brink, 2020. Kortlagning beitarlanda sauðfjár á Íslandi. Rit Landgræðslunnar nr. 4. Gunnarsholt, Ísland. https://grolind.is/wp-content/uploads/2020/06/Kortlagning-beitilanda-2020.pdf Landgræðslan og Skógræktin voru sameinaðar 1. janúar 2024 og ber stofnunin heitið Land og skógur.

Stöðumat á ástandi gróður- og jarðvegsauðlinda Íslands. Landupplýsingaþekjan fyrir stöðumat Grólindar er á rastaformi. Nákvæmni gagna miðast við mælikvarða 1:100.000. Stöðumat GróLindar sýnir, á grófum kvarða, stöðu gróður- og jarðvegsauðlinda Íslands eins og hún er í dag. Stöðumatið er unnið upp úr kortlagningu vistgerðaflokka Náttúrufræðistofnunar Íslands frá 2016 og kortlagningu á jarðvegsrofi á vegum Rannsóknastofnunar landbúnaðarins og Landgræðslunni frá 1997. Landgræðslan og Skógræktin voru sameinaðar 1. janúar 2024 og ber stofnunin heitið Land og skógur. Frekari upplýsingar um aðferðafræðina á bak við stöðumatið má sjá í ritinu: Bryndís Marteinsdóttir, Elín Fjóla Þórarinsdóttir, Guðmundur Halldórsson, Jóhann Helgi Stefánsson, Jóhann Þórsson, Kristín Svavarsdóttir, Magnús Þór Einarsson, Sigþrúður Jónsdóttir og Sigmundur Helgi Brink, 2020. Stöðumat á ástandi gróður- og jarðvegsauðlinda Íslands. Aðferðafræði og faglegur bakgrunnur. Rit Landgræðslunnar nr. 3. Gunnarsholt, Ísland. https://grolind.is/wp-content/uploads/2020/06/GroLind_stodumat_18_06_2020.pdf

Land og skógur, niðurhalsþjónustur (áður Skógræktin).

Gagnagrunnur sem inniheldur upplýsingar um jarðvegsrof á Íslandi. Heildarúttekt á jarðvegsrofi á öllu Íslandi, unnin á árunum 1992-1997. Unnið með vettvangsúttekt þar sem LANDSAT gervitunglamyndir í mælikvarða 1:100.000 voru notaðar sem grunnur við kortlagninguna.

Náttúrulegt birkilendi á Íslandi er kortlagning yfir alla náttúrulega birkiskóga og birkikjarr á Íslandi. Helstu upplýsingar eru hæð, þekja og aldur. Skilið er á milli núverandi hæðar og aldur fullvaxta birkis. Það er gert samkvæmt alþjóðlegum skilgreiningum um hæð trjágróðurs þar sem miðað er við hæð fullvaxta skógar. Birki var fyrst kortlagt á árunum 1972-1975 og var unnin leiðrétting á gögnunum og gerðar frekari greiningar á árunum 1987-1991. Gögnin voru því komin nokkuð til ára sinna þegar ákveðið var að hefja endurkortlagningu á öllu náttúrulegu birki á Íslandi. Fór sú vinna fram á árunum 2010-2014 og er núverandi þekja því afrakstur þeirrar vinnu. Flatarmál náttúrulegs birkis á Íslandi er 150.600 ha. Frá árinu 1987 hefur flatarmál birkis með sjálfsáningu aukist um 9% og nemur 13.000 ha. Gögnin voru upphaflega hugsuð fyrir mælikvarða 1:15.000, hins vegar var talsvert stór hluti landsins kortlagður í mælikvarða 1:5000 – 1:10.000.

Íslensk skógarúttekt hefur verið starfrækt frá árinu 2005. Á þeim tíma var ekki til samræmt mælinet fyrir allt landið og lét Skógrækt ríkisins (núna Land og skógur sem er sameinuð stofnun Landgræðslunnar og Skógræktarinnar frá og með 1. janúar 2024) því útbúa mælinet sem hefur verið notað allar götur síðan. Mælinetið er punktanet með 500 m á milli punkta bæði í austur-vestur og norður-suður. Punktanetið gefur staðsetningar mælireita fyrir trjámælingar og hefur verið grisjað sem mælinet. Annars vegar er það notað fyrir ræktaða skóga þar sem fjarlægð milli punkta er 500m í austur-vestur og 1000m í norður-suður, hins vegar er það notað fyrir náttúrulegt birki þar sem fjarlægð milli punkta er 1500m í austur-vestur og 3000m í norður-suður. Mælinetið er einungis notað í vísindalegum tilgangi og er ekki opið öðrum en þeim sem koma að skógmælingum.

Gagnasett sem sýnir yfirlitsupplýsingar um helstu uppgræðslusvæði í verkefninu "Bændur græða landið".