Þekja sem sýnir halla lands í gráðum byggt á landlíkani Náttúrufræðistofnunar (IslandsDEM útg. 1). Aðeins er sýndur halli á ákveðnu bili sem miðast við algengan upptakahalla snjóflóða. Litir og flokkun halla er ætluð til að hjálpa ferðafólki í fjalllendi að meta halla í brekkum með tilliti til upptakahalla snjóflóða. Þekjuna er hægt að birta sem myndkorta-flísar (XYZ, 512x512 pixlar) í Web-Mercator vörpun (EPSG:3857). Sniðmát fyrir slóðina á flísarnar eru: https://geo.vedur.is/geoserver/www/imo_slopemap_epsg3857_v1/{z}/{x}/{y}.png Skýringarmynd fyrir litakvarða er aðgengileg hér: https://geo.vedur.is/geoserver/www/imo_slopemap_epsg3857_v1/Legend_box_v1.png

Uppruni gagna vefkorts LMÍ er úr nokkrum áttum. Landhæðalíkan LMÍ er notað bæði til þess að lita undirlagið, en hæðarskyggingin er einnig unnin úr því. CORINE er notað til að gefa hugmyndir um yfirborð lands. Vatnafars gögn úr Euro Global Map eru notuð í smærri skölum, en eftir því sem þysjað er inn taka önnur gögn við. Stærstur hluti gagnanna kemur þó úr IS 50V, en þar ber að nefna samgöngur, mannvirki, vatnafar og hæðarlínur. IS 50V gagnasettin birtast mestmegnis í stærri skölum að frá töldu samgöngu línunum sem eru með frá skalanum 1:3.000.000. Dýpislínur frá Landhelgisgæslu Íslands eru birtar í öllum þysjunarstigum. Til að tengja þjónustuna við QGIS þarf að fara eftir leiðbeiningum sem eru á smámyndunum sem fylgja þessari skráningu.

Safn skannaðra Íslandskorta í kvarðanum 1:100.000, svokölluð Atlaskort gerð af landmælingadeild danska herforingjaráðsins á fyrstu fjórum áratugum 20. aldarinnar, en seinast uppfærð árið 1989. Uppréttar GeoTIFF myndir sem varpað var úr VisIT hugbúnaðinum þegar kortin voru gefin út á diskum. Til að tengja þjónustuna við QGIS þarf að fara eftir leiðbeiningum sem eru á smámyndunum sem fylgja þessari skráningu. Hægt er að ná í kortið sem er notað í þjónustuna á Geoserver LMÍ. Sjá tengil hér fyrir neðan.

Landslags kort LMÍ var búið til fyrir grunngerð landupplýsinga, ætlunin er að kortið sé notað sem bakgrunnur og skyggi ekki á þau gögn sem lögð eru ofaná. Kortið er unnið út frá Kort LMÍ og eru kortin mjög áþekk en þó er nokkrum lögum sleppt sem eru til staðar á Kort LMÍ. Uppruni gagna Landslags LMÍ er úr nokkrum áttum. Landhæðalíkan LMÍ er notað bæði til þess að lita undirlagið, en hæðarskyggingin er einnig unnin úr því. CORINE er notað til að gefa hugmyndir um yfirborð lands. Vatnafars gögn úr Euro Global Map eru notuð í smærri skölum, en eftir því sem þysjað er inn taka önnur gögn við. I5 50V gögnin, vatnafar og hæðarlínur, fara að birtast þegar þysjað er inn í stærri skala. Dýpislínur frá Landhelgisgæslu Íslands eru birtar í öllum þysjunarstigum. Til að tengja þjónustuna við QGIS þarf að fara eftir leiðbeiningum sem eru á smámyndunum sem fylgja þessari skráningu.

Íslensk sjókort eru gefin út í þremur megin kortaseríum. Hafna- og aðsiglingakort eru 50 talsins, 45 hafnakort og 5 aðsiglingakort. Hafnakort eru í mælikvarða 1:10.000. Aðsiglingakortin eru í mælikvörðum á bilinu 1:35.000 til 1:50.000. Strandsiglingakort í mælikvarða 1:100.000 eru 17 og yfirsiglingakort í mælikvarða 1:300.000 eru 6. Þrjú yfirlitskort eru í mælikvörðum einn á móti milljón og minni. Skrá yfir sjókort er á vef Landhelgisgæslunnar. https://www.lhg.is/media/sjomaelingar_islands/Kortaskra_IS_Catalogue_of_Charts_21.06.2023b.pdf Sjókortin sem hér eru birt hafa ekki verið leiðrétt samkvæmt tilkynningum til sjófarenda. Undantekning frá því eru sjókort í mælikvarða 1:10000 gefin eru út og prentuð eru á blaðstærð A3. Kortin sem þetta á við eru stjörnumerkt [*] í kortaskránni. Sjókortin í vefþjónustunni eru rastamyndir af útgefnum sjókortum eins og staðan er í lok nóvember 2023. Listi yfir sjókort sem eru í gildi og tilkynningar til sjófarenda er að finna á vef Landhelgisgæslunnar: https://www.lhg.is/starfsemi/sjomaelingasvid/tts/uppsafnadar-tilkynningar/ Rammi og bauganet tekið burt: Við gerð rastamyndanna var rammi sjókorts fjarlægður, textaupplýsingar í ramma utan kortflatar og bauganet á kortfleti. Þá voru textaupplýsingar inn á kortfletinum teknar í burtu þar sem að þær voru óþarfar samhengisins vegna. Tákn og skammstafanir á sjókortum eru samræmd á alþjóðavísu (INT1). Tákn og skammstafanir í íslenskum sjókortum eru skýrð í samnefndu riti. Það er aðgengilegt á vef Landhelgisgæslunnar. Dýpi er miðað við meðalstórstraumsfjöru. Dýpi og hæðir eru í metrum. Dýpi að 21 metra er gefið í metrum og desímetrum. Frá 21 til 31 er dýpið á hálfum metra. Frá 32 m er dýpi í heilum metrum.

Í safni Náttúrufræðistofnunar er að finna nokkuð af ljósmyndum sem dönsku landmælingamennirnir tóku í upphafi síðustu aldar, flestar frá árunum 1900 til 1910. Myndirnar bárust í stórri gjöf frá dönsku landmælingastofnuninni til Náttúrufræðistofnun vorið 1985. Ljósmyndirnar voru á glerplötum og myndaspjöldum, flestar þrívíddarmyndir/steriomyndir og um 70 myndir voru í tví- eða þrítökum svo að heildarfjöldi myndanna telst vera 555 myndir. Hjá Landmælingum Íslands hefur verið unnið að því undanfarin ár að koma gömlum kortum, bæjarteikningum og umræddum ljósmyndum á rafrænt form og eru þessi sögulegu gögn nú aðgengileg á vef stofnunarinnar. Einnig hefur verið unnið að því að staðsetja ljósmyndirnar, m.a. með hjálp almennings og hafa 329 ljósmyndir þegar verið staðsettar en þær er hægt að sjá í Kortasjá stofnunarinnar. Í Kortasjá er hægt að velja lag sem heitir Sögulegar ljósmyndir dana og birtist þá yfirlit yfir staðsetningu myndanna, (þ.e.a.s. þær myndir sem búið er að staðsetja). Hægt er að skoða ljósmyndirnar og sækja. Einnig er hægt að skoða yfirlit yfir staðsetningu ljósmyndanna og sækja myndirnar í Landupplýsingagátt. Þar velur maður einnig lag sem heitir Sögulegar ljósmyndir dana. Slóðin á Kortasjá og Landupplýsingagátt er neðar í lýsigögnunum. Enn leita Náttúrufræðistofnun aðstoðar landsmanna við að staðsetja myndir og er fólk hvatt til að skoða þær á vef stofnunarinnar http://www.lmi.is/ljosmyndir-danskra-landmaelingamanna/ og staðsetja myndir, þar sem fólk þekkir t.d. landslag eða hús . Nákvæmar leiðbeiningar um hvernig á að staðsetja myndirnar eru á vefnum og er fólk hvatt til að fylgja þeim.

Útlínur dregnar eftir Landsat 1 gervihnattamyndum frá 1973 og tiltækum uppréttum loftmyndum úr safni Náttúrufræðistofnunar frá áttunda áratug 20. aldar. Útlínur nokkurra jökla voru dregnar eftir Hexagon KH9 gervihnattamyndum.

Útlínur hnitaðar af AMS kortum bandaríska hersins sem byggja á loftmyndum frá árunum 1945 og 1946. Útlínurnar hafa verið uppfærðar á nokkrum stöðum með skönnuðum, uppréttum loftmyndum úr safni Náttúrufræðistofnunar.

Útlínur byggðar á kortlagningu á jökulgarða og annarra landforma sem jöklar skilja eftir. Einnig er byggt á rituðum heimildum, frásögnum heimamanna og ferðafólks, ljósmyndum og öðrum tiltækum gögnum. Um er að ræða niðurstöður margra rannsóknarhópa. Flestir jöklar náðu hámarksútbreiðslu í kringum 1890, en meðal undantekninga frá því er Drangajökull sem náði mestri útbreiðslu um miðja 19. öld.

Staðsetning á mælipunktum sem nýttir eru til að fylgjast með breytingum á jökulsporðum. Mælt af sjálfboðaliðum og/eða félögum JÖRFÍ