Náttúrulegt birkilendi á Íslandi er kortlagning yfir alla náttúrulega birkiskóga og birkikjarr á Íslandi. Helstu upplýsingar eru hæð, þekja og aldur. Skilið er á milli núverandi hæðar og aldur fullvaxta birkis. Það er gert samkvæmt alþjóðlegum skilgreiningum um hæð trjágróðurs þar sem miðað er við hæð fullvaxta skógar. Birki var fyrst kortlagt á árunum 1972-1975 og var unnin leiðrétting á gögnunum og gerðar frekari greiningar á árunum 1987-1991. Gögnin voru því komin nokkuð til ára sinna þegar ákveðið var að hefja endurkortlagningu á öllu náttúrulegu birki á Íslandi. Fór sú vinna fram á árunum 2010-2014 og er núverandi þekja því afrakstur þeirrar vinnu. Flatarmál náttúrulegs birkis á Íslandi er 150.600 ha. Frá árinu 1987 hefur flatarmál birkis með sjálfsáningu aukist um 9% og nemur 13.000 ha. Gögnin voru upphaflega hugsuð fyrir mælikvarða 1:15.000, hins vegar var talsvert stór hluti landsins kortlagður í mælikvarða 1:5000 – 1:10.000.

[IS] Drónamyndir af umbrotasvæðinu á Reykjanesi. Efla, Svarmi og Verkís verkfræðistofa öfluðu gagnanna sem hluti af eldfjallvöktun í samvinnu við Náttúrufræðistofnun og Veðurstofu Íslands. Gögnin eru í eigu fyrirtækjanna en greidd af stofnununum og því er um að ræða opin gögn. Myndirnar eru uppfærðar reglulega sem hluti af áframhaldandi vöktun svæðisins. Myndataka fór fram með DJI Matrice 300 eða 350 með Zenmuse P1 myndavél. Upplausn mynda er 10 - 50 cm. Heimild: Nafn fyrirtækis, ár. Drónamyndir Umbrotasvæðið á Reykjanesi. Dagsetning myndar. URL (venjulega kort.gis.is eða umbrotasja.gis.is). [Myndefni]. [EN] Drone imagery of the areas of volcanic unrest on Reykjanes. Efla, Svarmi and Verkís engineering collected the data as part of volcano monitoring in collaboration with Náttúrufræðistofnun and Veðurstofa Íslands. The data is owned by the companies but paid for by the institutions, and is therefore open data. Imagery is updated regularly as part of ongoing monitoring of the area. Imagery was collected using DJI Matrice 300 or 350 with Zenmuse P1 camera. Imagery resolution is 10 - 50 cm. Citation: Company name, year. Drónamyndir Umbrotasvæðið á Reykjanesi [Drone Imagery of Reykjanes Eruptions]. Image date. URL (generally kort.gis.is or umbrotasja.gis.is). [Imagery].

Nýjasta Landsat gervitunglið, nr.8, er í umsjá Bandarísku jarðfræðistofnunarinnar og NASA. Því var skotið á loft í febrúar 2013. Tekist hefur að afla góðra mynda með þessu tungli og sett var saman mósaíkmynd af Íslandi með Landsat 8 myndum. Kostir Landsat 8 gervitunglsins er m.a. stærð mynda, en hver mynd er 185 x 180 km og þekur því um 33000 km2. Greinihæfni þessara mynda er mest 15 m. Myndirnar eru fjölrása með alls 11 bönd þar sem hvert band nemur ákveðnar bylgjulengdir sem endurspegla vissa eiginleika landyfirborðsins, t.d. gróður, vatn, o.fl. Myndirnar voru nær allar teknar í ágúst og september árin 2013 og 2014.