Notagildi og orðskýringar: Skrá þar sem hver færsla, nefnd skiki (e. cadastral parcel), geymir bæði lýsandi og rúmfræðilegar upplýsingar um eigin legu á formi fláka, sem og upplýsingar um heimild skráningar og tengsl við eignarhald í gegnum landeignarnúmer. Afmörkun fláka er táknuð með tvívíðum hnitnum í samræmdu landshnitakerfi ISN93. Uppbygging: - Auðkenni skika er skikanúmer. - Auðkenni landeignar er landeignarnúmer. - Hver landeign samanstendur af einum eða fleiri skikum. - Sumir skikar eru í sameign fleiri landeigna. Þeir skikar eru auðkenndir með færslunni 999999 í dálki landeign_nr. Eigindalýsing: SKIKI_NR er hlaupandi upplýsingalaust auðkennisnúmer skika í landeignaskrá HMS. Aðallykill (PK). Skiki er landfræðileg heild, en LANDEIGN getur verið samsett úr einum eða fleiri skikum, hvort sem þeir liggja saman eða ekki. LANDEIGN_NR er landeignarnúmer SKIKA (afmörkunar) í séreign. Hlaupandi sex stafa auðkennisnúmer landeigna í HMS. Unnt er að afla frekari upplýsinga um landeignir á heimasíðu HMS, hms.is, eftir þessu númeri. SVEITARFELAG_NR - Númer þess sveitarfélags sem skikinn er skráður innan. DAGS_INN - Sú dagsetning er SKIKI (afmörkun) var fyrst skráður í landeignaskrá HMS. DAGS_LEIDR - Sú dagsetning er skráningu SKIKA (afmörkunar) var síðast breytt í landeignaskrá HMS. GAGNAEIGN – HMS er eigandi landeignaskrár. ADFERD_INN - Sú aðferð sem notuð var við að skrá gögnin í Landeignaskrá HMS. - 1 Óljóst. - 2 Innslegin hnit. - 3 Teiknað af þriðja aðila. - 4. Vörpuð gögn. NAKVAEMNI – Áætluð nákvæmni fitju. Tekur ávallt mið af lélegustu mælingu. HEIMILD – Tegund þeirrar heimildar sem fitja er skráð og teiknuð eftir. - 1 Annað/Óvíst. - 2 Landupplýsingakerfi sveitarfélaga. - 3 Þinglýst skjöl/Skjöl frá sveitarfélagi. ATHUGASEMD – Athugasemdir um innsetningu fitju eða heimildir hennar, gerðar af starfsfólki HMS. STADA_EIGN – Staða eignar í skrám HMS. - 1 Landeign er staðfest í landeignaskrá. - 2 Landeign er skráð í landeignaskrá en hefur verið tekin til vinnslu. - 3 Landeign er í frumvinnslu. HNIT – Afmörkun marghyrnings (POLYGON) á forminu „SDO_GEOMETRY“.

Cadastral parcels in Iceland as polygon features.

Poligon data for buildings in Reykjavík, the capital city of Iceland. The data does not cover the whole country.

Notagildi og orðskýringar: Staðfang inniheldur upplýsingar um staðsetningu mannvirkja og annarra áfangastaða, s.s. heimila, aðseturs fyrirtækja, frístundahúsa, áningarstaða, veitumannvirkja og opinna svæða. Staðfang er þýðing á enska hugtakinu Address og nær hugtakið yfir götuheiti og húsnúmer, sérheiti byggingar og landfræðilega staðsetningu, hvort sem um er að ræða heimili einstaklinga, aðsetur fyrirtækja eða staðsetning á t.d. fjarskiptamastri. Þannig hefur staðfang víðari merkingu en heimilisfang, þó eðli hugtakanna sé svipað. Sveitarfélögin í landinu annast skráningu upplýsinganna og viðhald þeirra. Uppbygging: Auðkenni staðfangs er heitinúmer/staðfanganúmer. Tengsl staðfangaskrár og fasteignaskrár eru með þeim hætti að fasteignaskrá byggist upp af skráningu lands (landnúmer. landnr), fasteignaheita/staðfanga (heitinúmer. heinum) og mannvirkja (fastanúmer. fastnum og matsnúmer. fnum). Þessu er hægt að líkja við mengi, innan eins landnúmers geta verið eitt eða fleiri heitnúmer og innan hvers heitinúmers geta verið núll eða fleiri fastanúmer/matsnúmer. Það fer eftir því hversu djúpt við köfum ofan í gögnin hvernig endurtekning á sér stað. Eigindir: FID - Upplýsingalaust auðkennisnúmer fyrir gagnagrunn HMS. Þessi dálkur er ekki sýndur í WFS grunni. HNITNUM – Hnitnúmer staðfangahnits. Hlaupandi upplýsingalaust auðkennisnúmer staðfangs. Hvert staðfang getur verið tengt mörgum hnitum, en hvert hnit hefur aðeins eitt hnitnúmer. SVFNR - Sveitarfélagsnúmer er fjögurra stafa auðkennisnúmer. BYGGD - Byggðarnúmer innan viðkomandi sveitarfélags. LANDNR - Hlaupandi sex stafa auðkennisnúmer landeigna í landeignaskrá HMS. HEINUM – Staðfanganúmer. Heinum er sjö stafa auðkennisnúmer staðfanga. Eitt heinum er fyrir hvert staðfang. Annarstaðar er þetta STADFANG_NR. MATSNR - Matsnúmer (7 stafir). Raðnúmer. Sérhver matseining er auðkennd með matsnúmeri. Sum staðföng benda á ákveðna matseiningu, flest benda ekki sérstaklega á neitt matsnúmer. POSTNR - Póstnúmer þess póstsvæðis sem staðfang er innan skv. nýjustu upplýsingum frá Byggðastofnun. HEITI_NF - Staðvísir í nefnifalli. HEITI_TGF - Staðvísir í þágufalli. HUSNR - Staðgreinir, húsnúmer. BOKST - Staðgreinir, viðbættur bókstafur. VIDSK - Staðgreinir, viðskeyti við staðfang. SERHEITI - Sérheiti staðfangs. DAGS_INN - Dagsetning fyrstu innskráningar. DAGS_LEIDR - Dagsetning síðustu leiðréttingar. GAGNA_EIGN - HMS er eigandi staðfangaskrár. TEGHNIT - Tegund hnits, 0 Eftir að yfirfara tegund hnits, 1 Áætlaður miðpunktur mannvirkis, 2 Staðsetning megin inngangs í mannvirki, 3 Hnitpunktur staðsettur á innkeyrslu lóðar, 4 Hnitpunktur staðsettur með vissu innan lóðamarka, 5 Hnitpunktur staðsettur innan áætlaðs byggingarreits. YFIRFARID - Staða hnits, 0 Óyfirfarið, 1 Yfirfarið, 2 Þarf endurskoðun, 9 Vantar heitinúmer. YFIRF_HEITI - Þessi dálkur er ekki lengur nýttur. ATH - Notað til ítarlegri aðgreiningar t.d. á matshlutum og skráningu heimildarmanna eða heimilda. NAKV_XY - Áætluð skekkjumörk staðsetningar hnits í metrum. HNIT - Staðsetning staðfangs í ISN93 formi. Sett fram sem "POINT (X-hnit Y-hnit)". Þessi dálkur er ekki sýndur í WFS grunni. N_HNIT_WGS84 - Norður hnit í breiddargráðu WGS84. Allt í gráðum, ekki mín og sek. Fyrstu 2 tölustafir eru fyrir framan kommu og allt eftir það fyrir aftan kommu. E_HNIT_WGS84 - Austur hnit í lengdargráða WGS84. Allt í gráðum, ekki mín og sek. Mínus merki og fyrstu 2 tölustafir eru fyrir framan kommu og allt eftir það fyrir aftan kommu. NOTNR - Auðkennisnúmer þess starfsmanns sem átti síðast við þetta hnit í gagnagrunninum. LM_HEIMILISFANG – Þessi dálkur er ekki lengur nýttur. Yfirleitt sami og VEF_BIRTING VEF_BIRTING- Birtingaform staðfangs með landnúmeri viðskeyttu. Samanstendur af HEITI_NF, HUSNR, BOKST, VIDSK, (LANDNR). HUSMERKING - Sýnir dálkana HÚSNR og BOKST saman.

IS: Í Minjavefsjánni er að finna upplýsingar um menningarminjar á Íslandi. EN: Minjavefsjá - Cultural and Archeological Heritage Map serves as a digital platform for accessing and exploring cultural heritage information and resources related to Iceland's history, archaeology, architecture, art, folklore, and other aspects of cultural heritage. It provides a valuable tool to disseminate information and location of protected archeological sites, preserved historical houses, archeological monuments, location of current archeological research and operations and much more.

[IS] Í Rammasjá er hægt að skoða gögn sem tengjast áætlun um vernd og orkunýtingu landsvæða, þ.e.a.s. Rammaáætlun. [EN] The Master Plan for Nature Protection and Energy Utilization Map

Yfirlit yfir stöðu aðalskipulags í öllum sveitarfélögum landsins.

Skráin inniheldur fláka fyrir allar þær jarðir sem skráðar eru á kennitölu Ríkissjóðs Íslands hjá Þjóðskrá Íslands. Jarðirnar eru aðgreindar eftir því hvort þær eru í umsjón Framkvæmdasýslunnar – Ríkiseigna FSRE eða í umsjón annarra ríkistofnana, háskóla í eigu ríkisins eða ráðuneyta.

Um er að ræða flákagögn sem sýna svæði þar sem skráning húsa og mannvirkja hefur farið fram en slík skráning skal m.a. fara fram áður en gengið er frá aðal- eða deiliskipulagi. Húsakönnun getur einnig farið fram í rannsóknarskyni. Í gögnunum koma fram upplýsingar um skrásetjara, titil skýrslu, tilgang skráningar og stofnun eða fyrirtæki sem framkvæmir skráninguna. Hver húsaskráning fær hlaupandi númer í gagnagrunni Minjastofnunar en einnig er hægt að finna í gögnunum upprunalegt skýrslunúmer viðkomandi stofnunar.