Í markalaginu eru ýmis mörk lands og eru þetta allt flákalög og þau sýna eftirfarandi: skiptingu landsins eftir sveitarfélögum, skiptingu landsins eftir umdæmi sýslumanna, lögregluumdæmi og skiptingu landsins í dómstóla í héraði.

Yfirborðið er einfaldað flákalag úr CORINE-verkefninu sem sýnir gróin og ógróin svæði, skipulögð svæði og vatnafar (stærstu svæðin sem lenda undir vatni).

Hæðargögnin innhalda bæði línu- og punktalag.Í laginu is50v_haedarlinur eru sýndar hæðarlínur 20 metra og 100 metra hæðarlínur. Á fáeinum stöðum er að finna viðbótar 10 metra hæðarlínur.